Weblog
Thursday, 24 December 2009
-
赤柱
一條友好毒咁買份報紙上茶樓, 仲要同阿姐阿叔搭臺
食左超抵下午茶
夜晚去了赤柱同水上活動的朋友食好野~~
好多CADET / KC人~~
呢D年尾日子.... 又有D獨男問：「24號有咩做」
我好想答：「你唔係諗住約我去街啊!? 一來我唔想駛錢, 二來唔想駛唔熟既人錢, 三來我去又唔想你諗多喎...」
好想講出口!!! 直接了當唔好煩
不過都係扮忙冇回應就算....... 唉..... 點解我話忙忙忙但仲唔明我意思架呢...
點解唔可以直接咁SAY NO呢.....唉...... 點解我仲要扮好人呢.......
以前就話返工返學當更好忙, 而家少左呢D籍口....
究竟如何讓呢D人收手呢..... 係咪傻架....?? 家陣好熟呀??
其實我已經成日都頹LOOK..... 仲想我點呀.... 唔好再煩啦......
係咪要我DEEP V呀.... (AIRPORT呀)
係咪要我揹LV呀...
係咪要我變性呀...
係咪要我SHOW手臂的米奇老鼠呀
一見電話響就想PK佢, 一見MSN閃就想OFF左佢
頂頂頂,,,, 我擺明冇女人味... 點解仲要找我呢件雌雄錯體物呀
係咪又想享受完追女的過程就話「你冇女人味」就拜拜呀
唔會再發生咁既事
我實在太毒啦.... 唔好搵我PLS..... (真心)
除非...... 是....
上田龍也~~~
Tuesday, 22 December 2009
-
冬至だよ～♪
收工後去旺角街市買材料打邊爐
柯打是要早些回家
泊好隻羊又要搵地方噤錢, 迫左上朗豪噤, 之後又迫返落街市 ~___~
但個個都做冬, 好多檔口都收晒
我都行快幾步買埋野再返轉頭~
就在我架車不到10米地方.... 有位伯伯靠住條柱扮緊趴地熊....
連鞋都甩埋.... 咁鬼入型入格~
八掛望多幾眼.... 嘩佢額頭流緊血柱呀!!!! 一地都係血!!!
不停咁流!!! 有位主婦打999叫白車
我又冇急救包在身喎.... 唉.....
佢咁多血... 我俾左D紙巾佢叫佢大力D噤住個傷口止血先
佢就繼續趴地熊.....
就在等緊白車的時候....
我見佢D血冇流得咁勁.... 就聊佢講下野.... 講野又好似OK喎....
原來佢行行下路頭暈暈就P左落條柱度..... 咁鬼黑仔....
不過我實在太擔心佢.... 等到架白車黎左先走
是日做冬大日子... 希望你冇事快D好番啦
自此, 我諗要長期擺包FIRST AID KIT跟身
Monday, 21 December 2009
-
MSAR 總部 STAND BY 更
2009年最後一次STAND BY DUTY
首先將D架生搬晒上車, 隨時出發
士光民陣容, 遲：CEO; 缺腳：巧玲, Albert, 大頭
開始set野訓練
由石牆拉去貨車
然後師兄上石牆頂set野
士光民就...... 昅野??
原來是望新的巴士站
第一個烈士~~ sunny!
我就玩下abseiling 先
戴埋手套~~ 閃~~~
然後就挑戰空中飛人~~
好快就黃昏.... >___<
每次都係班正裝為我地士光民默默地收拾殘局
我地就周圍影~~ 呢晚個天紫色好靚~~
Thursday, 17 December 2009
-
太凍啦
呢兩日凍到出街唔記得帶鎖匙, 冇得渣車去總部
在總部做完野又唔記得還房門匙... 要勞煩SASA出動TURBO腳攪掂
今日渣車凍到硬晒車太, 好彩唔落雨...
到左西貢先食早餐... 11點幾先坐94入北潭凹起步
太晏啦, 冇上尖, d北風有6級以上程度, 好很凍
上山順風行OK, 一逆風行就連腳都郁唔到
我越來越想沉淪獨海
D人越係接近我, 我越想避開
尤其係d單身異性 (我好歡迎女性朋友~lovely~)
希望各位唔好諗多, 我只係想獨o者.... 我需要時間休息... 靜下...
Sunday, 13 December 2009
-
東亞運動會
咁多日五點幾起身, 夜晚又要UT又要上堂...
唔夠訓
荔枝角公園舉重
原本在總部STAND-TO, 可以休息下.... 點知轉頭就CALL OUT出去灣仔伊館
西區公園體育館武術
********************************************
我份人好毒, 又唔識推人
有朋友約食飯, 但我個心又掛住屋企, 成日諗辨法放飛機
出到黎又諗住幾時可以中途離場
所以唔好約我啦
放過我啦
冇錢呀, 與其出街食, 不如返屋企食
多元大圍話再戰深圳日式放題 (上次我放了飛機, 估唔到半個月就再次收到英雄帖)
唉咁攪呀, 其實我唔想駛錢喎
D人開始問: 聖誕點過呢?
答: 帆船賽囉, 練一日, 休一日, 賽一日
係好多日假期呀, 不過我唔打算約人, 亦都唔想俾人約
唔去咩交換聖誕禮物BBQ, 唔駛預我啦, 我想繼續毒
Chatboard (0)